മലയാള സിനിമയിൽ സൂപ്പർതാര യുഗം അവസാനിച്ചെന്ന് പറയുന്നവർക്ക് മറുപടിയുമായി ഹരീഷ് പേരടി



മലയാള സിനിമയുടെ നെടുംതൂണുകൾ ആണ് നമ്മൾ സൂപ്പർസ്റ്റാറുകൾ എന്ന് വിളിക്കുന്ന മോഹൻലാലും മമ്മൂട്ടിയും. ഇന്നും ഈ താരങ്ങളുടെ ചിത്രത്തിന് ലഭിക്കുന്ന തരത്തിലെ പുൾ വേറൊരാള്ക്കും ലഭിക്കാറില്ല. എന്നാൽ കുറച്ചു പേരെങ്കിലും ചിന്തിക്കുന്നത് സൂപ്പർതാര യുഗം അവസാനിച്ചെന്നാണ്. അവർക്ക് മറുപടിയുമായി നടൻ ഹരീഷ് പേരടി രംഗത്ത് വന്നിരിക്കുകയാണ്. അദ്ദേഹത്തിന്റെ ഫേസ്ബുക് കുറിപ്പ് ഇങ്ങനെ

പുതിയ റിയലിസം മലയാള സിനിമകളിൽ അഭിനയിക്കാൻ വെറും പെരുമാറൽ മാത്രം മതിയെന്നാണ് പുതിയ കണ്ടുപിടുത്തം…അതായത് നിങ്ങൾ നിങ്ങളുടെ selfനെ ആവിഷ്കരിക്കുക…അതിന് പ്രത്യേകിച്ച് പഠനമൊന്നും വേണ്ടാ…സാധാരണ ജീവിതത്തിലെ നിങ്ങളുടെ അംഗ ചലനങ്ങളും വർത്തമാന രീതികളും ഏല്ലാ കഥാപാത്രങ്ങളിലേക്കും അടിച്ചേൽപ്പിക്കുക…പക്ഷെ അഭിനയം എന്ന് പറയുന്നത് സ്വന്തം വ്യക്തിത്വത്തെ ഇല്ലാതാക്കി മറെറാരാൾ ആവുന്നതാണ്…അതുകൊണ്ടാണ് മമ്മൂക്കയും ലാലേട്ടനും സൂപ്പർ നടൻമാരായി നിലനിൽക്കുന്നത്…

ലൂസിഫറും ഷൈലോക്കും സൂപ്പർതാരങ്ങളുടെത് മാത്രമല്ല …കഥാപാത്രങ്ങൾക്കു വേണ്ട സൂപ്പർ നടൻമാരുടെ പരകായപ്രവേശം കൂടിയാണ്..അതിനാണ് ജനം കൈയടിക്കുന്നത്…നല്ല നടൻമാരെ തിരഞ്ഞെടുക്കാനുള്ള പഴയ സംവിധായകരുടെ കഴിവ് പുതിയ മലയാള സിനിമയിലെ സംവിധായകർക്കുണ്ടെങ്കിൽ ഇനിയും ഒരുപാട് നല്ല നടൻമാർ ഇവിടെ സൂപ്പർതാരങ്ങളാവും..അല്ലാതെ ഏല്ലാത്തിലും ഒരു പോലെ പെരുമാറുന്ന നായകൻമാരെ വെച്ച് നിങ്ങൾ എത്ര മാസ് ഉണ്ടാക്കാൻ ശ്രമിച്ചാലും അത് കുറച്ച് ജൂനിയർ ആർട്ടിസ്റ്റുകളെയും അവർ സൂപ്പറാണെന്ന് പറയുന്ന കുറച്ച് സംവിധായകരെയും സൃഷ്ടിച്ചേക്കാം…ഒരു സിനിമക്കുവേണ്ട ഒരു കഥാപാത്രത്തെ കണ്ടെത്തുന്നതിനേക്കാൾ എത്രയോ ബുദ്ധിമുട്ടാണ് തങ്ങളുടെ കഥാപാത്രത്തെ ഒരു നല്ല നടനിലൂടെ ഒരു നല്ല നടിയിലൂടെ ആവിഷ്കരിക്കുക എന്നുള്ളത്..അതിനാൽ നല്ല നടി നടൻമാരുടെ യുഗം അവസാനിക്കാത്ത കാലത്തോളം സൂപ്പർതാരങ്ങളുടെ യുഗവും മലയാള സിനിമയിൽ എന്നല്ല ലോക സിനിമയിൽ തന്നെ അവസാനിക്കില്ലാ…

Comments are closed.