നീ എന്തൊരു അമ്മയാണ് എന്നു എന്നോട് പലരും ചോദിച്ചു സാന്ദ്ര തോമസ് പറയുന്നു



നിർമാതാവ് എന്ന നിലയിൽ ശ്രദ്ധേയായ ഒരാളാണ് സാന്ദ്ര തോമസ്. ഫ്രൈഡേ ഫിലംസ് എന്ന നിർമ്മാണ കമ്പനിയുടെ തുടക്കം മുതലുള്ള ഒരാളാണ് സാന്ദ്ര തോമസ്. പിന്നിട് സ്വന്തമായി നിർമ്മാണ കമ്പനി തുടങ്ങിയിരുന്നു സാന്ദ്ര.സിനിമകളിൽ സാന്ദ്ര അഭിനയിച്ചിട്ടുമുണ്ട്. വിവാഹ ശേഷം സാന്ദ്ര ഒരു ഇടവേളയെടുത്തിരുന്നു. കുടുംബജീവിതത്തിന്റെ തിരക്കുകളിലാണ് സാന്ദ്രയിപ്പോൾ. വിത്സൺ ജോൺ തോമസാണ് സാന്ദ്രയുടെ ഭർത്താവ്.

രണ്ട് പെണ്മക്കളാണ് സാന്ദ്രക്ക്. കെൻഡലിൻ കാറ്റ്‌ലിൻ എന്നിങ്ങനെയാണ് മക്കളുടെ പേരുകൾ. ഉമ്മിണിത്തങ്ക, ഉമ്മുക്കുലുസു എന്നാണ് മക്കൾക്ക് സാന്ദ്ര നൽകിയ വിളിപ്പേര്. പ്രകൃതിയോട് ഇണക്കി മക്കളെ വളർത്തിയെടുക്കണം എന്നാണ് ചിന്ത പങ്കു വയ്ക്കുന്ന ഒരാളാണ് സാന്ദ്ര. മക്കൾ മഴയത് നന്നയുന്നതും, ചെളിയിൽ നിൽക്കുന്നതുമായ വിഡിയോകളും ഫോട്ടോകളും സാന്ദ്ര സോഷ്യൽ മീഡിയയിൽ പങ്കു വയ്ക്കാറുണ്ട്. നീ എന്തൊരു അമ്മയാണ് എന്നു പലരും പലപ്പോഴും ചോദിച്ചു എന്നും അവർക്കുള്ള മറുപടി എന്ന നിലയിൽ സാന്ദ്ര പങ്കു വച്ച ഒരു കുറിപ്പ് വൈറലാണ്.

നീ എന്തൊരു അമ്മയാണ് ..എന്റെ മക്കളുടെ ആരോഗ്യത്തിൽ വ്യാകുലരായ എല്ലാവർക്കും വേണ്ടി ഇതിവിടെ പറയണമെന്ന് തോനുന്നു. ഈ വർഷത്തെ മുഴുവൻ മഴയും നനഞ്ഞു ആസ്വദിച്ച കുട്ടികൾ ആണവർ. ആ കുളിയിൽ അവർക്കു ശ്വാസം മുട്ടിയില്ല എന്ന് മാത്രമല്ല പിന്നെയും പിന്നെയും ഒഴിക്കമ്മേ എന്നാണ് അവർ പറഞ്ഞു കൊണ്ടിരുന്നത്. നല്ല തണുത്ത വെള്ളത്തിൽ കുളിച്ചു ശീലിച്ച കുട്ടികൾ ആണവർ. ഞാൻ ആദ്യം അവരെ മഴയത്തു ഇറക്കിയപ്പോ എല്ലാവരും പറഞ്ഞു നീ എന്തൊരു അമ്മയാണ് കുഞ്ഞു പിള്ളാരെ മഴ നനയിക്കാമോ എന്ന്. ഞാൻ ആദ്യം അവരെ ചെളിയിൽ ഇറക്കിയപ്പോ എല്ലാരും പറഞ്ഞു നീ എന്തൊരു അമ്മയാണ് കുഞ്ഞുങ്ങൾക്കു വളം കടിക്കുമെന്ന്. ഞാൻ അവർക്കു പഴങ്കഞ്ഞി കൊടുത്തപ്പോൾ എല്ലാവരും പറഞ്ഞു നീ എന്തൊരു അമ്മയാണ് കുഞ്ഞുങ്ങൾക്കു ആരേലും പഴയ ചോറ് കൊടുക്കുമോ എന്ന്. ഞാൻ അവരെ തന്നെ വാരി കഴിക്കാൻ പഠിപ്പിച്ചപ്പോൾ എല്ലാരും പറഞ്ഞു നീ എന്തൊരു അമ്മയാണ് കുഞ്ഞുങ്ങൾക്കു എല്ലാവരും കാക്കയെ കാണിച്ചും പൂച്ചയെ കാണിച്ചും വാരി കൊടുക്കാറാണ് പതിവെന്ന്. ഞാൻ അവർക്കു മലയാളം അക്ഷരമാല പഠിപ്പിച്ചു കൊടുത്തപ്പോൾ എല്ലാരും പറഞ്ഞു നീ എന്തൊരു അമ്മയാണ് അവർക്കു ഇംഗ്ലീഷ് alphabets പറഞ്ഞു കൊടുക്കു എന്ന്. ഞാൻ അവർക്കു അഹം ബ്രഹ്‌മാസ്‌മി എന്ന് പറഞ്ഞു കൊടുത്തപ്പോൾ എല്ലാവരും പറഞ്ഞു ദൈവം മതങ്ങളിൽ ആണെന്ന്. ഇപ്പോൾ എല്ലാവരും അഭിമാത്തോടെ പറയും ഇങ്ങനെ വേണം കുട്ടികൾ എന്ന്. എന്റെ കുട്ടികളെ ഇതുപോലെ വളർത്താൻ എനിക്ക് പ്രചോദനം ആയതു മഴയത്തും വെയിലത്തും ഇറക്കാതെ അവർക്കു മൊബൈൽ ഫോണും കൊടുത്തു ഇരുത്തുന്ന ചില മാതാപിതാക്കൾ ആണ്. എന്തായാലും അങ്ങനെ ഒരമ്മയാവാൻ ഞാൻ ആഗ്രഹിക്കുന്നില്ല. എനിക്ക് വേണ്ടത് പ്രകൃതിയെ അറിഞ്ഞു മനുഷ്യനെ സ്നേഹിച്ചു സ്വയംപര്യാപ്തരായി വളർന്നു വരേണ്ട കുട്ടികളെയാണ്. ശുഭം..

Comments are closed.