അപ്പുവിനാകെ അഞ്ചു ടി ഷർട്ടും 2 ജീൻസുമേ ഉള്ളു!!ആദിയില്‍ ഉപയോഗിച്ച ടീഷര്‍ട്ട് എടുത്തോളാന്‍ ജീത്തു ചേട്ടന്‍ അവനോട് പറഞ്ഞു!!

0
1381

പ്രണവ് മോഹൻലാലിന്റെ സിംപ്ലിസിറ്റിയെ കുറിച്ചു പലപ്പോഴും ആരാധകർക്കിടയിൽ ചർച്ചകൾ ഉണ്ടായിട്ടുണ്ട്. താര ജാഡകൾ യാതൊന്നുമില്ലാതെ ഒരു സാധാരണക്കാരനെ പോലെ യാത്ര ചെയ്യാറുള്ള പ്രണവിന്റെ ചിത്രങ്ങൾ പലപ്പോഴും വൈറൽ ആകാറുണ്ട്.പ്രണവിന്റെ പുതിയ ചിത്രമായ ഹൃദയം തീയേറ്ററുകളിൽ മികച്ച വിജയം നേടുകയാണ്. പ്രണവിന്റെ സിംപ്ലിസിറ്റിയെ പറ്റി സംവിധായകൻ വിനീത് ശ്രീനിവാസനും നിർമ്മാതാവ് വിശാഖ് സുബ്രഹ്മണ്യനും പറഞ്ഞ വാക്കുകൾ ഇപ്പോൾ ശ്രദ്ധേയമാണ്.

“അപ്പുവിന്റ ലൈഫ് സ്‌റ്റൈല്‍ അവനായിട്ട് തീരുമാനിച്ചതാണ്. എന്റെ അറിവില്‍ അവന്‍ രണ്ട് ജീന്‍സും, അഞ്ച് ടീഷര്‍ട്ടുമാണ് നാലഞ്ച് കൊല്ലമായി ഉപയോഗിക്കുന്നത്. ഒരു മഹാത്മാ ഗാന്ധിയുടെ പടമുള്ള ടീഷര്‍ട്ട്, ഒരു മങ്കി ടീഷര്‍ട്ട്, ഒരു കീറിയ ജീന്‍സ്, ഒരു സ്ലിപ്പര്‍ എന്നിവയാണ് അവനുള്ളത്

മലയുടെ മുകളില്‍ ഷൂട്ട് ഉണ്ടായിരുന്നു. വിന്റെര്‍ വെയര്‍ ഉണ്ടോന്ന് അപ്പുവിനോട് ചോദിച്ചപ്പോള്‍ ഒരു ടീഷര്‍ട്ട് എടുത്തു കൊണ്ട് വന്നു. ഇത് എവിടെയോ കണ്ടിട്ടുണ്ടല്ലോ എന്ന് ഞാന്‍ പറഞ്ഞപ്പോള്‍ അവന്‍ പറഞ്ഞത് ഇത് ആദിയില്‍ യൂസ് ചെയ്തതാണ്. ഞാന്‍ ഡ്രെസ്സൊന്നും മേടിക്കാത്തത് കൊണ്ട് ജീത്തു ചേട്ടന്‍ എന്നോട് എടുത്തോളാന്‍ പറഞ്ഞുവെന്നാണ്,’ വിനീത് പറയുന്നതിങ്ങനെ

ഒരു ദിവസം സെറ്റില്‍ അവന്‍ നല്ലൊരു പാന്റിട്ട് വന്നു. അപ്പൂ ഇന്ന് നല്ല രസമുണ്ടല്ലോ എന്ന് ഞാന്‍ പറഞ്ഞു. അപ്പോള്‍ എല്ലാരും എന്താ ഇങ്ങനെ പറയുന്നേന്നു അവന് സംശയമായി. . നന്നായി വരുന്നത് കണ്ടപ്പോള്‍ എല്ലാവര്‍ക്കും അത്ഭുതമായി. വരുന്ന വഴി തൊട്ട് എല്ലാവരും പറഞ്ഞുകൊണ്ടിരിക്കുവായിരുന്നു,’വിനീത് കൂട്ടിച്ചേർത്തു